(Giving Up is Not an Option! Hold on and Pray)
Up an tankful family. ☀️🌈
Fus time wen yuh meet God, wat a joy 🙌🏾😅full up yuh heart. Yuh didda gwaan good enuh until one day, sumaddy rub yuh di wrang way 😠 an yuh tap come ah chuch.🚶🏾♂️🚶🏽♀️…⛪ An wen yuh lef chuch, yuh lef God, too🚶🏾♂️…😇. Yuh tap have devotion, tap talk to God, and yuh backslide. 🙆🏾♂️
Hey, wen yuh mek dah vow deh pan yuh baptism day🌊🚶🏽♀️🚶🏾♂️enuh, ah neva till sumaddy rub yuh do you part, enuh. Ah till deat do oono part❗ Jus like marriage. 💍 Yuh cyah mek as likkle hardship reach yuh, yuh fling in di towel🤚🏾🚫
An fi some a wi, a di same ting happen inna every area a wi life. God gi yuh one business👩🏽💼👨💼🏭 an when likkle chubble come, yuh back out. 🚶🏽♀️🚶🏾♂️…🏭 God sen yuh go a school 🏫🚌, an wen yuh realize di mount a wuk 📚📚weh yuh haffi do, yuh give up❗🚶🏽♀️🚶🏾♂️📚🏫🚌
Hey❗ God nah call yuh to nuttn weh Him cyah kip yuh! 💡 So, ketch a reverse an know seh Phillipians 6:1 seh, “Him weh start a good work inna yu, a go finish it!” If so be de case, weh yuh a run go❓🤷🏾♂️🤷🏽♀️
Mi memba mi did inna one ChiChi bus 🚎a go work one mawnin. An wen di driva ketch a one karna a Molynes Road, him dis dash roun di karna! One woman gi out “Driva, yuh a go kill wi aff❓” Den one man weh know seh him a go late, seh 🙆🏾♂️: “Lady, hol on an pray❗”
😅 So, nuttn good no come easy, but, hol on an pray❗🙏🏾 Di school work nuff so till, but, hol on an pray❗📚🧎🏾📚🧎🏾♀️
Sumaddy need fi know seh, ef God call yuh fi do supm, Him nah lef you one wid it❗
So, don’t give up!
Anadda ting, ef yuh bex 😠 wid di church 🏫, dat nuh mean seh yuh shouldah bex 😠 wid God 😇. Ah di chuch hurt yuh, 😭 not God; so why yuh stap deal wid Him❓🤔
Hey, nuh baddah give up pan God 😳, cause Him nah give up pan yuh. Him well able❗
You Hol on an pray!
_______________________________________________________________
Dwayne White is Youth Pastor at the Jamaica Evangelistic Centre. Please contact [email protected]
