DEVOTIONAL
Cowad Man Kip Soun bone… true or lie?
Hail up, mi family.
Dem have ah sayin weh seh:
“Cowad man kip soun bone.” Dat mean to sey:
Wen trouble tek yuh an yuh supposed fi face it, yuh run…
But oiii, sah, please to know ah nuh everyting yuh mus run fram;
Yuh cyah kangka wah yuh nuh face.
Ef ah fraid yuh fraid seh yuh nah go kangka dat, mi know a God weh Him ah more dan
duppy Kangkara.
Him tell wi seh: “Cowadniss nuh come fram Him.”
Him seh Him gi wi love ❤️, powah, an ah soun mind (2 Tim. 1:7).
Suh ef yuh cowad bout supm weh yuh know yuh supposed to face, memba 2 Tim. 1:7.
Sumtings all ef wi cowad, face dem head on wid God, an yuh wi come out victorious.
In Jesus’ name.
Dwayne White is Youth Pastor at the Jamaica Evangelistic Centre, please contact [email protected]
